Folúntas Poist

Eolas:

Is post páirtaimseartha é seo (21 uair sa tseachtain).

Is eagraíocht óige í Feachtas Óg-Ghluaiseacht Gaeilge a bhfuil sé mar aidhm aici an Ghaeilge a chur chun cinni measc daoine óga agus tacú lena bhforbairt phearsanta agus shóisialta. Déantar é seo trí chlubanna óige agus imeachtaí sóisialta a eagrú i gcomhpháirtíocht leo, trí mheán na Gaeilge. 

Tá clubanna óige againn i dTamhlacht, i mBaile Brigín, i mBaile Lotrail, agus i mBaile Munna.

Tá an ról an Oifigigh Obair Óige á mhaoiniú ag an Roinn leanaí agus Oideachais tríd an Scéim Deontais do Sheirbhísí Óige.

Tá ár n-oifig lonnaithe i dTamhlacht, Baile Átha Cliath. Beidh rogha ann cianobair a dhéanamh ó am go chéile. 

Príomhdhualgais:

• Clubanna óige a mhaoirsiú faoi threoir an bhainisteora agus an Choiste Ceannais.
• Freastal ar chlubanna óige um thráthnóna.
• Tacaíocht agus traenáil a chur ar fáil do cheannairí agus do na baill óga.
• Tacú leis na clubanna cloí le polasaithe agus spriocanna na heagraíochta.
• Imeachtaí agus turais a eagrú mar chuid den fhoireann.
• Tacú le hiarratais agus tuairiscí deontais a chomhlánú.
• Obair riaracháin agus teagmháil le tuismitheoirí/caomhnóirí.
• Obair ar na meáin shóisialta agus an suíomh idirlín a choinneáil suas chun dáta.

Riachtanais:

• Taithí ar obair óige (ar a laghad bliain amháins de thaithí ar obair óige).
• Ardchaighdeán Gaeilge, idir labhairt agus scríobh.
• Scileanna láidre idirphearsanta agus cumarsáide.
• Scileanna maithe eagrúcháin agus riaracháin, scileanna ríomhaireachta san áireamh.

Inmhiantaithe:

• Cáilíocht chuí sa Ghaeilge nó san obair óige nó a chomhionann.
• Ceadúnas glan tiomána agus teacht ar charr.

Tuarastal:

• Is é an tuarastal don phost ná €18 in aghaidh na huaire.
• Cuirfear traenáil ar fáil. 

Iarratas:

• Ní mór (i) litir iarratais agus (ii) CV iomlán a chur le ríomhphost chuig an Cathaoirleach ag eolas@feachtas.ie.
• Spriocdháta d'iarratais: 8 Bealtaine 2026, 17:00

Tá an ról seo á mhaoiniú ag an Roinn Oideachais agus Óige.