Lá taitneamhach, rathúil a bhí ann ag Craobh Chomórtais, Tráth na gCeist Feachtas 2024… do na buaiteoirí!! Bhí géariomaíocht ann idir an 16 meánscoil a ghlac páirt sa Chraobh Chomórtais in Ionad F2, Rialtó, Baile Átha Cliath ar an Máirt, 5 Márta 2024. Tháinig trí fhoireann slán, ag baint amach an chéad, dara, agus triú áit. Bhí an-rath ar Choláiste Eoin, ar ghlac leo an chéad áit chomh maith leis an tríú áit.

Cuireadh tús leis an réamhbhabhtaithe i Mí Mheáin Fhómhair 2023 agus d’fhreastail foireann Feachtais ar mheánscoileanna agus ar ghaelcholáistí ar fud fad na tíre. D’éirigh le 19 bhfoireann an chraobh a shroichint. 

Ar an Máirt, bhí an chomórtas faoi lán seoil ag Fear an Tí gealgháireach, carasmatach, Jamie Ó Flannúra. Is iomaí ceist chasta, rúndiamhair a chuir sé roimh na n-iomaitheoirí, ach d’éirigh thar cionn leo i gcoinne na dúshláin seo. 

Bronnadh duaischiste €1,240 ar bhuaiteoirí an lae. Bhí €600 ag dul don chéad áit agus is íad daltaí Coláiste Eoin a ndeachaigh abhaile leis an duais seo: Eoghan Ó hAnluain-Fay, Finn Ó Donaile, Traolach Ó Súilleabháin, Senan Ó Caithniadh.

D’éirigh thar chion leis na buaiteoirí dara háite a bhain amach duais de €400 ó Choláiste Naomh Mhuireadaigh: Niall Ó Murchú, Eoghan Ó Duarcáin, Gaibhin Ó Braonáin, Jeaic Ó Muirí

Bhí an-ádh ar Choláiste Eoin nuair a bhain a dara fhoireann €240 amach don duais tríú háite: Dónal Mac Artáin, Doiminic Ó Súilleabháin, Finian Mac Rothaích, Cillian Ó Donnchú

“Is dochreidte an rud é le bheith in ann daoine óga a thabhairt le chéile le dul in iomaíocht i gcomórtas lán-Ghaeilge. Fiú an mhéid foirne a bhí ann nár tháinig ó Ghaelcholáistí. Is cúis dóchais í go bhfuil an Ghaeilge ag neartú i measc na n-óg,” a deir Oisín Ó Dubhshláine, oifigeach forbartha le Feachtas.

“Bíonn an t-ardchaighdeán ann sa Chraobh agus bhí le feiceáil an taighde agus obair ullmhúcháin a rinne na daltaí uilig,” arsa Loretta Ní Churraighín, Bainisteoir Feachtais. “Bhí sé iontach an Ghaeilge a chluisint go flúirseach”

“Déanaim comhghairdeas ó chroí leis na buaiteoirí agus na daltaí go léir a ghlach páirt i gCraobh Chomórtais Feachtais inniu,” arsa Pádraigín Nic Ghearailt, comhordaitheoir Trátha na gCeist Feachtais. “Tá éacht bainte amach acu.”